Heilt ærleg

Du tilbakekalla sesjonen. Men sjekka du om angriparen registrerte si eiga eining?

Fri, 25 Sep 2026 00:00:00 +0000

Noko av det eg tok med meg heim frå Workplace Ninja Summit i Baden, var kor mykje eininga faktisk betyr for identiteten.

Vi snakkar mykje om MFA, passkeys, Conditional Access og token. Men eininga er ikkje berre noko brukaren sit framfor når den loggar inn.

Eininga kan sjølv bli ein del av tillitskjeda.

Det poenget vart tydeleg gjennom sesjonane om moderne identitetsangrep, device trust, passkeys og privilegerte arbeidsplassar. Kort tid etter konferansen kom det konkrete angrep som gjorde problemstillinga langt mindre teoretisk.

Ekstern deling blir identitetsstyring

Sat, 19 Sep 2026 00:00:00 +0000

Kort fortalt: Frå mai 2026 rullar Microsoft ut integrasjonen mellom SharePoint, OneDrive og Microsoft Entra B2B til alle tenantar. Ekstern deling blir då tettare knytt til gjesteidentitetar i Entra, og gamle delingslenkjer bør kartleggjast før overgangen når tenanten.

Utrullinga skjer automatisk, tenant for tenant. Når den når den enkelte tenanten, har EnableAzureB2BIntegration ikkje lenger effekt. Integrasjonen kan heller ikkje slåast av, og endringa gjeld heile tenanten.

Delingsinnstillingane i SharePoint og OneDrive forsvinn ikkje. Det som endrar seg, er identiteten bak den eksterne tilgangen og kva policyar som kan påverke han.

Business Premium gjer deg ikkje trygg før du faktisk tek det i bruk

Tue, 15 Sep 2026 00:00:00 +0000

Microsoft 365 Business Premium er flaggskipet i business-segmentet for verksemder med opptil 300 brukarar, og lisensen inkluderer mykje av det ein norsk middels stor verksemd faktisk treng i 2026 : identitet, einingsstyring, e-postvern og endpointvern. Men det betyr ikkje at verksemda er trygg når lisensen er kjøpt. Det betyr berre at verksemda kan setje opp mykje betre vern enn før.

Microsoft 365 Business Premium frequently asked questions

Microsoft si oversikt over målgruppe, 300-brukargrense og produktposisjon for Business Premium.

Microsoft 365 for business security overview

Microsoft si oversikt over tryggingsområda i Microsoft 365 for Business.

Det viktigaste poenget er enkelt: Business Premium er ein lisenspakke, ikkje ein ferdig sikra driftstilstand!

Risky Agents i Purview: Når agenten får sin eigen identitet, får den også sitt eige risikobilete

Tue, 08 Sep 2026 00:00:00 +0000

Du har ikkje berre teke i bruk ein ny Copilot. Du har fått ein ny digital aktør inn i verksemda.

Det er kanskje den viktigaste endringa med agentar akkurat no.

Når ein agent får sin eigen identitet, tilgang til data og høve til å utføre handlingar over tid, held det ikkje lenger å spørje kven som oppretta den eller kven som trykte på start. Vi må også kunne spørje kva agenten faktisk gjer, kva den har tilgang til, om åtferda endrar seg og kva som skjer dersom den byrjar å gjere noko den ikkje burde.

Agentar utan eigar – kva skjer når byggjaren sluttar?

Tue, 01 Sep 2026 00:00:00 +0000

Det er lett å bli fascinert av kor raskt vi kan byggje ein agent. Ein fagperson kan få ein idé om morgonen og ha ein fungerande agent før lunsj.

Men kva skjer seks månader seinare når den same fagpersonen sluttar?

Kven eig agenten då? Kven veit kva den har tilgang til? Kven har ansvar for at den framleis skal eksistere? Og kven fangar opp agenten i offboardingprosessen dersom HR, IT og fagavdelinga ikkje ein gong veit at den finst?

Insider Risk Management i 2026: når trusselen loggar inn

Thu, 20 Aug 2026 00:00:00 +0000

Det store skiljet i 2026 er ikkje berre kven som prøver å bryte seg inn. Det er kor ofte dei berre loggar inn.

For norske verksemder, også dei små, betyr det at skiljet mellom «ekstern angripar» og «intern risiko» har blitt mykje mindre nyttig i praksis. Blir ein tilsett lurt i phishing, eller ei konto blir kompromittert på annan måte, ser aktiviteten fort ut som legitim bruk. Då er ikkje spørsmålet berre om du stoppar innbrotet. Du må òg kunne oppdage at ein tilsynelatande vanleg brukar plutseleg oppfører seg som ein risiko.

Flex routing for Copilot: EU-data dine kan ha forlate Europa allereie

Thu, 06 Aug 2026 00:00:00 +0000

Den 3. april 2026 kom meldinga i Message Center. Den 17. april slo endringa inn. Microsoft aktiverte flex routing for EU- og EFTA-tenants, og i meldinga som gjekk til min eigen tenant står det rett ut: flex routing er slått på som standard.

Det er over tre månader sidan. Spørsmålet er difor ikkje om du fekk det med deg. Det er om nokon i organisasjonen din tok eit dokumentert val, eller om standardinnstillinga fekk stå fordi ingen las meldinga.

Zero Trust byrjar med Conditional Access – status, baseline og kvifor NIS2 gjer det akutt

Tue, 28 Jul 2026 00:00:00 +0000

Zero Trust har vore eit moteord så lenge at mange har slutta å høyre kva det faktisk seier: aldri stol på noko, verifiser alt, kvar gong! Men prinsippet blir ikkje politikk før nokon skriv det ned som reglar, og i Microsoft-skya er det Conditional Access som er den regelboka. Kvar einaste innlogging i Entra ID går gjennom policy-motoren, og det du ikkje har definert der, har du i praksis tillate. Denne guiden handlar om tre ting: kvifor CA er sjølve grunnmuren for informasjonsvern, korleis du finn ut kvar du faktisk står i dag, og kva baseline du bør ha på plass – spesielt om Insider Risk Management, datatap og NIS2 står på agendaen din.

Alle skal ha Copilot, men få bruker han skikkeleg – SMB gløymer Search and Intelligence-koplingane

Sun, 19 Jul 2026 00:00:00 +0000

Alle skal ha Copilot – men i SMB-marknaden, der det ikkje blir køyrt store adopsjonsprosjekt, er det svært få som faktisk får ut potensialet. Normalt ville eg vinkla dette mot datasikkerheit og compliance, men denne gongen vil eg gå andre vegen: funksjonalitet og verdi.

Dei færraste eg har vore borti kjenner til potensialet i Microsoft 365 Copilot sine connectorar. Det finst over 100 ferdige koplingar – frå on-prem filserverar til spesialiserte fagsystem – som gjer Copilot i bedrifta di enormt mykje meir funksjonell. Rett kopla opp kan dette hjelpe verksemder på ein heilt enorm måte, langt utover det standard Microsoft 365-innhald gir.

Slik bygde eg bloggen min – i sjølvaste Azure (og alt som gjekk gale undervegs)

Sun, 19 Jul 2026 00:00:00 +0000

Det starta med ei utfordring eg ikkje heilt klarte å riste av meg. Fleire gonger den siste tida har folk sagt til meg – etter eit LinkedIn-innlegg om Purview eller Copilot-governance – at eg burde ha ein blogg. Ikkje berre for den ekstra plassen langtekstane fortener, men fordi LinkedIn ikkje gir deg éin ting eg faktisk sakna: ein RSS-feed folk kan abonnere på utan å vere avhengige av ein algoritme som bestemmer om dei ser innlegget mitt eller ikkje.

Purview DSPM – oppsummering av årets innlegg

Wed, 15 Jul 2026 00:00:00 +0000

Eg har skrive fleire innlegg om Microsoft Purview DSPM det siste året, fordi eg meiner dette er eit av dei viktigaste områda for organisasjonar som skal ta i bruk generativ AI på ein trygg måte.

Ein podcast verdt å høyre på

Men om du vil forstå kva DSPM eigentleg er, kvifor det betyr noko, og korleis Microsoft ser for seg utviklinga vidare, så gjer Nikki Chapple og gjestene hennar ein svært god jobb med å forklare det i djupna.

Mennesket i loopen (Del 2): Konsensus er ikkje sanning

Thu, 09 Jul 2026 00:00:00 +0000

To KI-modellar var einige. Difor måtte det vere rett.

Ser du feilen?

Dette er del 2 i ein liten serie eg kallar “Mennesket i loopen” – om kvar grensa går mellom KI og menneskeleg dømmekraft i Microsoft 365. I del 1 skreiv eg om Agent Mode og redaktørrolla. No vil eg til noko som er endo lettare å gå i fella med: konsensus.

Microsoft 365 Copilot Researcher har fått ein funksjon som heiter Council – fleire modellar køyrer parallelt, og du ser kvar dei er einige og kvar dei skil lag. GPT skriv, Claude vurderer, ein tredje modell summerer. Det er imponerande teknologi, og det løftar kvaliteten målbart.

KI-lisensar utan opplæring – adopsjonsgapet

Tue, 07 Jul 2026 00:00:00 +0000

Vi brukar hundretusenvis av kroner på KI-lisensar. Og så gløymer vi det viktigaste steget: å lære folk å bruke dei.

Eg ser det same mønsteret hos bedrift etter bedrift. Copilot blir kjøpt inn. Ein e-post går ut. «No har de tilgang til Copilot – lukke til!» Og så lurer ein på, tre månader seinare, kvifor berre ein tredel faktisk brukar det.

Tala er ganske brutale: utan strukturert innføring endar dei fleste organisasjonar på 30–40 % aktiv bruk. Med champions, rollebasert opplæring og leiarforankring kjem ein opp i 70–85 % – ofte innan 90 dagar. Forskjellen er ikkje teknologien. Han er lik i begge tilfella. Forskjellen er at nokon tok menneska på alvor.

Purview 1-2-3: Det modne landskapet – Data Security Investigations, Adaptive Protection og det neste steget

Tue, 07 Jul 2026 00:00:00 +0000

ARTIKKEL 4 av 4

Du har fundamentet på plass. Du har den nye DSPM som styrer Copilot og fangar shadow AI. Kva no?

I 2026 har Purview vakse til ein plattform der etterforsking, adaptiv respons og kontinuerleg modning er like viktig som dei grunnleggjande policyane. La oss sjå på det modne landskapet.

Data Security Investigations – KI-driven etterforsking

Data Security Investigations (DSI) er den nyaste delen av Purview-familien, og den har vakse betydeleg i 2026. DSI brukar KI-drevet djup innhaldsanalyse for å identifisere datatryggleiksrisiko.

Veit du kva Copilot brukar som kjelde? – DLP og leverandørkontraktar

Thu, 18 Jun 2026 00:00:00 +0000

Veit du kva Copilot brukar som kjelde når ein tilsett spør om ein kontrakt frå ein leverandør?

Utan spesifikk DLP-konfigurasjon kan Microsoft 365 Copilot trekkje inn e-post frå eksterne avsendarar – leverandørar, partnarar, ukjende – som grunnlagsdata når det genererer svar. Det er eit lite kjent faktum, og det opnar for eit konkret problem: ein ekstern aktør kan sende ein e-post med instruksar som Copilot seinare følgjer som om det var intern kontekst.

Copilot Studio-governance – custom connectors, MCP-serverar og DLP som faktisk fungerer

Tue, 16 Jun 2026 00:00:00 +0000

Oppdatert 22. august 2026: Microsoft har gjort fleire viktige avklaringar rundt MCP, DLP og connectors i Copilot Studio. Eg har oppdatert posten med kva dette faktisk betyr for styring og risiko i praksis.

«Agenten følgjer alle våre policyar.»

Det er ofte sant heilt til agenten får tilgang til ein MCP-server.

Copilot Studio har gjort det enkelt å kople agentar mot ekstern data. Det er kraftig. Det er òg ei governance-flate som fort blir vanskeleg å styre i praksis.

Purview 1-2-3: KI-laget – den nye DSPM, Copilot-styring og kampen mot shadow AI

Tue, 16 Jun 2026 00:00:00 +0000

ARTIKKEL 3 av 4

Med fundamentet på plass kan vi snakke om det som gjer 2026 til eit særskilt år: KI-laget i Purview.

Microsoft sin eigen 2026 Data Security Index slo fast at meir enn 80 prosent av undersøkte organisasjonar implementerer eller utviklar DSPM-strategiar. Det er ikkje fordi det er trendy – det er fordi alternativet er å fly blindt i ein verkelegheit der KI-agentar les og produserer data raskare enn nokon menneske kan følgje med på.

Mennesket i loopen (Del 1): Agent Mode gjer deg til redaktør – men berre om du les korrektur

Fri, 12 Jun 2026 00:00:00 +0000

“Copilot skreiv det. Eg berre godtok det.”

Eg skreiv for ei tid sidan om redaktørkompetanse – at den viktigaste KI-ferdigheita kanskje ikkje er å bruke KI, men å vurdere kvaliteten på det den leverer. Den posten engasjerte fleire enn noko anna eg har lagt ut.

No har Microsoft levert ein funksjon som set akkurat den ferdigheita på prøve: Agent Mode i Word, Excel og PowerPoint.

Skiftet er større enn det høyrest ut som. Tidlegare gav Copilot deg eitt utkast, og du redigerte det. Med Agent Mode jobbar Copilot iterativt – den gjer endringar i fleire steg, stiller oppklarande spørsmål om mål, publikum og tone, justerer struktur undervegs, og held fram til resultatet sit.

Purview 1-2-3 (Del 2):Fundamentet – frå å kjenne data til å beskytte dei

Tue, 09 Jun 2026 00:00:00 +0000

ARTIKKEL 2 av 4

Sjølv om KI-laget får all merksemda, er det noko mange organisasjonar gløymer: utan eit solid fundament fungerer ingenting av det nye.

Og fundamentet startar ikkje med labels eller policyar. Det startar med eit langt enklare spørsmål: kva data har vi eigentleg?

Microsoft seier det rett ut i den offisielle utrullingsguiden: å vite kor sensitiv data ligg, er ofte den største utfordringa for organisasjonar. Du kan ikkje beskytte det du ikkje veit du har. Difor må discovery kome før alt anna – det er ikkje eit forarbeid, det er steg 1.

DSPM-konsolidering – éin felles risikoflate for data og AI

Wed, 03 Jun 2026 00:00:00 +0000

Purview er ikkje lenger Microsoft 365 sin governance-modul. Han er i ferd med å bli governance-hubben for heile dataestaten din – også den som ligg utanfor Microsoft.

Mai 2026 markerer eit punkt mange ikkje har fått med seg: DSPM (klassisk) og DSPM for KI er samla i éi felles oppleving. Same flate, same utfallsbaserte rettleiing og dei same AI-assisterte arbeidsflytane gjennom Security Copilot. Dette er ikkje berre ei UI-justering. Det er ei strategisk reposisjonering.

Purview 1-2-3 (Del 1): Kvifor 2026 er året Purview vart uunnverleg

Tue, 02 Jun 2026 00:00:00 +0000

ARTIKKEL 1 av 4

Hugsar du då Purview først og fremst handla om sensitivity labels, DLP-policyar og litt eDiscovery? Det er ikkje verda vi lever i lenger.

I 2026 har spelet endra seg. Vi har KI-agentar som handlar på vegne av brukarane, Copilot som finn fram informasjon på millisekund, og ein heilt ny kategori risiko som Microsoft sjølv kallar shadow AI – tilsette som brukar ikkje-godkjente KI-verktøy utanfor styrde rammer. Det er den nye versjonen av shadow IT, men med høgare innsats fordi det er ofte sensitive data som blir lima inn i prompten.

M365 E7 og Agent 365 GA – kva får du faktisk?

Tue, 26 May 2026 00:00:00 +0000

«Agent for 15 USD» endar oftast på «15 USD pluss 30 USD per kollega som treng å snakke med agenten». Det er den eine setninga eg seier oftast i lisens-samtalar om M365 E7 no.

Microsoft 365 E7 – Frontier Suite – gjekk GA 1. mai til 99 USD per brukar per månad. Han inneheld M365 E5, Microsoft 365 Copilot, Agent 365 og Entra Suite. Agent 365 finst òg som standalone til 15 USD. Det høyrest enkelt ut. Det er det ikkje.

Power Platform-miljøstrategi i agent-tida – PDE, governance og ALM

Tue, 26 May 2026 00:00:00 +0000

Du kjøper ikkje ein governance-agent. Du tilset den. Det er den mest underrapporterte endringa i Power Platform akkurat no, og han endrar korleis du tør byggje agent-løysingar.

Microsoft skreiv i fjor at dei sjølv slutta å byggje i Default Environment. Etter at dei rulla ut Personal Developer Environments med environment routing, voks talet på nye appar, flytar og agentar med 32 %. Det er kanskje den sterkaste produktivitetsstatistikken Microsoft har delt det siste året, og han kjem frå god governance, ikkje frå KI.

Oversharing blir synleg når Copilot rullar ut

Thu, 21 May 2026 00:00:00 +0000

Den dagen Copilot går live, sluttar oversharing å vere ein teori. Han blir ein søkeresultat-liste i tenanten din. Det er forskjellen mellom «ubehageleg, men usynleg» og «opnar ein Copilot-chat og finn alt». Copilot hentar grounding-data frå alt brukaren har tilgang til, og legg det fram i naturleg språk – inkludert dokument ingen lenger hugsar at dei delte.

Tre kapabilitetar må jobbe saman

Sensitivity labels med kryptering set ein hard grense. Det er forskjellen mellom «Copilot kan sjå det» og «Copilot kan bruke det i svaret». Umerka konfidensielt innhald får ingen slik beskyttelse.

Researcher Critique og Council – multi-modell i Copilot og responsible AI

Mon, 18 May 2026 00:00:00 +0000

«Copilot seier at …»

Eg skreiv nyleg om at den viktigaste KI-kompetansen framover kanskje ikkje er å bruke KI, men å vurdere kvaliteten på det den leverer. Microsoft har no levert ein funksjon som gjer akkurat den vurderinga lettare – og samstundes vanskelegare.

To nye kapabilitetar i Researcher

Researcher i Microsoft 365 Copilot har fått to nye kapabilitetar i Frontier-programmet:

Critique – GPT skriv utkast, Claude vurderer presisjon, kjeldebruk og logikk før rapporten når brukaren. Redaktørprinsippet, bygd inn i sjølve genereringsflyten. Critique er no standard når du vel «Auto».
Council – GPT og Claude køyrer parallelt, ein tredje judge-modell summerer kvar dei er einige, kvar dei skiljer lag, og kva kvar modell bidreg med unikt.

Microsoft seier sjølv at Critique scorer 13,8 % høgare enn beste single-modell på DRACO-benchmarken. Det er imponerande tal. Den eigentlege endringa ligg ein annan stad.

Sensitivity labels som Copilot-guardrail – arv, downgrade og Teams-artefaktar

Mon, 18 May 2026 00:00:00 +0000

«Vi har sensitivity labels, altså er Copilot trygt.»

Det er den eine setninga eg har høyrt oftast i kundemøte dette året. Han held berre delvis. Copilot respekterer labels med kryptering, men eit umerka dokument med konfidensielt innhald blir framleis grounding-materiale for kva som helst prompt. Den forskjellen er hovudgrunnen til at «vi har labels» og «vi har Copilot-guardrails» ikkje er det same.

Tre forhold som faktisk betyr noko i 2026

Label-arv for Teams-opptak og transkripsjon krev konfigurasjon, ikkje magi. Funksjonen som let MP4-opptak og .loop-notat arve møtelabelen er ferskvare og må slåast på i sensitivity label-policyen. Default er framleis at labelen på møtet ikkje strekkjer seg til opptak og transkripsjon. Det er ein stille datataps-kanal i mange organisasjonar – og ein enkel ting å rette opp.

Computer Use i Copilot Studio: agentar tek over skjermen, ikkje berre API-et

Thu, 14 May 2026 00:00:00 +0000

Denne veka gjekk «Computer Use» i Microsoft Copilot Studio frå preview til generell tilgjengelegheit i kommersielle Power Platform-regionar.

Computer-using agents in Microsoft Copilot Studio are now generally available

Microsoft Copilot Studio Blog om GA-lanseringa av Computer Use

Det gjer noko ganske interessant: agentar kan no samhandle med applikasjonar gjennom brukargrensesnittet – ikkje berre via API og connectorar. Dei kan navigere skjermbilde, finne felt, trykke på knappar og tilpasse seg endringar i UI-et undervegs.

Copilot, ikkje autopilot – den nye KI-kompetansen er å vurdere svaret

Wed, 13 May 2026 00:00:00 +0000

48,6 % av nordmenn har tatt i bruk generativ KI. Det gjer oss til nummer tre i verda – framfor både USA, Sverige, Danmark og Tyskland. Men betyr det at vi er gode på KI? Eg er ikkje sikker.

Eg har klokkertru på at generativ KI kjem til å bli avgjerande for at vi skal klare å utvikle samfunnet vidare – og for å drifte det i stadig meir komplekse og utfordrande tider. Vi kjem til å trenge teknologi som kan hjelpe oss å jobbe smartare, raskare og meir effektivt.

Om meg

Mon, 01 Jan 0001 00:00:00 +0000

Hei! Eg er Knut Petter Dimmen.

Eg jobbar som seniorkonsulent innan Microsoft 365, med særleg fokus på tryggleik, compliance og styring av kunstig intelligens. Dei siste åra har eg hjelpt verksemder med å ta i bruk Microsoft 365 på ein måte som ikkje berre fungerer teknisk, men som også er trygg, styrbar og tilpassa norske krav.

Denne bloggen er mi personlege stemme. Her skriv eg om det eg lærer, testar og meiner – heilt utan marknadsføring eller glansbilete.

Verktøy

Mon, 01 Jan 0001 00:00:00 +0000

Ei samling av PowerShell-skript eg har laga for compliance- og sikkerheitsarbeid i Microsoft 365, pluss verktøy frå andre eg sjølv brukar og anbefaler.

Eigne skript

Koden ligg ope på GitHub – bruk fritt, gjerne meld frå om feil eller forslag via issues.

verktoy (GitHub)

Opne PowerShell-skript for M365 compliance og sikkerheit

Setup-ConditionalAccess-Full.ps1

Byggjer ein komplett Conditional Access-baseline i Entra ID – geo-soner, unntaksgrupper, break-glass og 13 policyar, alt i report-only

Sjå koden på GitHub →

Export-CAAnalysisPrompt.ps1

Kartlegg heile CA-oppsettet i tenanten og pakkar det til ein ferdig-formatert prompt for LLM-analyse

Sjå koden på GitHub →

Enable-ASR-Audit.ps1

Oppretter ein Intune-policy med alle 16 ASR-reglar sett til audit-modus, med valfri tildeling

Sjå koden på GitHub →

Get-OversharedSites.ps1

Kartlegg SharePoint-nettstadar med for vide delingsinnstillingar før Copilot-utrulling

Sjå koden på GitHub →

Export-PurviewDLPReport.ps1

Hentar ut og formaterer DLP-hendingar frå Purview til lesbar rapport

Sjå koden på GitHub →

Test-SensitivityLabelCoverage.ps1

Sjekkar kor stor del av tenanten som faktisk har sensitivity labels sett

Sjå koden på GitHub →

Bruk

Alle skript krev Microsoft.Graph-modulen og relevante API-løyve. Sjå README i repoet for oppsett og førehandskrav for kvart enkelt skript. Test alltid i eit ikkje-produksjonsmiljø først.